विराटनगर, ३ साउन —
जनता समाजवादी पार्टीको आज बिराटनगरको महेन्द्र पार्टी प्यालेसमा आयोजित एक विशेष कार्यक्रममा नवगठित कार्यसमितिकाे सपथग्रहण सम्पन्न गरेको छ।
जिल्ला अध्यक्षमा राजकुमार यादव निर्विरोध चयन भएका छन्। त्यस्तै उपाध्यक्षमा मन्तलाल यादव र हकुमुदिन मियाँ, सचिवमा हरिनारायण साह, उपसचिवमा राकेश रोशन यादव तथा कोषाध्यक्षमा विनित सिंह चयन भएका छन्।
कार्यसमितिमा ३८ जना सदस्यहरूको पनि घोषणा गरिएको छ। सदस्यहरूमा सुमित्रा देवी यादव, किरण राय अमात, रामचन्द्र आलम, अशोक कुमार यादव, आशादेवी साह, राजेन्द्र प्रसाद साह, महिचन्द यादव, रामबहादुर यादव, किरण यादव, कमलेस कामत लगायत अन्यको समावेश गरिएको छ।
कार्यक्रममा पार्टीका केन्द्रीय सदस्य तथा पूर्व स्वास्थ्य मन्त्री जयराम यादव,केन्द्री सदस्य संजय सिंह प्रदेश १ का अध्यक्ष दीपक याखाले पदाधिकारीहरूलाई प्रमाणपत्र प्रदान गरेका थिए।
सपथग्रहण कार्यक्रममा पार्टीका वरिष्ठ नेताहरू, कार्यकर्ता तथा समर्थकहरूको उल्लेखनीय उपस्थिति रहेको थियो। नेताहरूले पार्टीको संगठनलाई थप मजबुत बनाउँदै जनताका मुद्दा उठाउन एकजुट भएर अगाडि बढ्नुपर्नेमा जोड दिएका थिए।
नयाँ कार्यसमिति र सदस्यहरूले पार्टीमा आबद्ध हुन पाएकोमा खुसी व्यक्त गर्दै आगामी दिनमा पार्टीलाई सशक्त बनाउन प्रतिबद्धता व्यक्त गरेका छन्।