विराटनगर। बिराटनगरस्थित नमस्कार होटलको गल्लिमा अवस्थित कृष्ण लाईफ संस्था ले भगवान श्रीकृष्णको अविर्भाव दिवस (जन्माष्टमी) हर्षोल्लासका साथ मनाउने तयारी गरेको छ।
संस्थाका अध्यक्ष साधु शरण प्रधानले पत्रकार सम्मेलनको आयोजना गर्दै आगामी श्रावण ३१ गते, शनिबार बिहान ४ बजेदेखि मध्यरात १ बजेसम्म विराटनगर–९, न्युरो गल्लिको सिटी पार्टी होटल एण्ड रिसोर्टमा विभिन्न धार्मिक तथा सांस्कृतिक कार्यक्रम हुने जानकारी दिएका हुन्।
सिद्ध स्वरूप दासका अनुसार कार्यक्रममा कीर्तन, प्रवचन, यज्ञ, नाटक, मध्यरातमा महाआरती, सांस्कृतिक प्रस्तुति र निःशुल्क प्रसाद वितरण हुनेछ।
उनका अनुसार इस्कोन विराटनगरमा उत्पन्न विवादका कारण कृष्ण लाईफ संस्था स्थापना गरिएको हो। हाल विर्तामोड, भैरहवा र विराटनगर क्षेत्रको जिम्मेवारी दासलाई दिइएको छ। उनले उक्त विवाद चाँडै अन्त्य भई एकतामा परिणत हुने विश्वास व्यक्त गर्दै भने, “इस्कोन एक भएपछि कृष्ण लाईफ आवश्यक नपर्ला। तर, भगवान कृष्णको भक्ति जसले पनि गर्न पाउनुपर्छ, त्यसैले आवश्यकता अनुसार धेरै संस्थाहरू खोलिनु पर्दछ।