विराटनगर ।आइतबार दिउँसो ४ बजे राधाकृष्ण मन्दिर परिसरबाट सुरु भएको ५८औं राधाकृष्ण रथयात्रा भव्य रूपमा सम्पन्न भएको छ। रथयात्रामा हजारौँ भक्तजनको उत्साहजनक सहभागिता रहेको थियो।
मन्दिर परिसरबाट प्रस्थान गरेको रथले जलजला चोक, ट्राफिक चोक, रोडशेष चोक हुँदै कोशी राजमार्गबाट बरगाछी चोक पुगेको र फेरि त्यही मार्ग हुँदै मन्दिर परिसरमै फर्किएर समापन भएको हो। यस क्रममा रथले करिब ९ किलोमिटर लामो यात्रा तय गर्यो।
कृष्ण जन्माष्टमीको भोलिपल्ट हरेक वर्ष निकालिने यो रथयात्रा धार्मिक आस्था मात्र नभई सांस्कृतिक परम्पराको महत्वपूर्ण पहिचान मानिन्छ। वर्षौँ पुरानो यो परम्पराले विराटनगरको सामाजिक र सांस्कृतिक जीवन्तता झल्काउने काम गर्दै आएको छ।