विराटनगर । नेपाली कांग्रेस कोशी प्रदेशका चर्चित नेता राजेश कुमार गुप्ताले पार्टीको आगामी प्रदेश अधिवेशनमा महामन्त्री पदमा उम्मेदवारी दिने भएका छन्।
‎हाल नेपाली कांग्रेस कोशी प्रदेशका कोषाध्यक्ष रहेका गुप्ताले आगामी पाँच वर्ष संगठन सुदृढीकरणमा काम गर्ने उद्देश्यसहित महामन्त्री पदमा उम्मेदवारी दिने जानकारी विराट प्रेसलाई दिएका हुन्।
‎यसअघि प्रदेशसभा निर्वाचनमा पराजित भएका गुप्ताले अब पार्टी संगठनलाई प्राथमिकतामा राखेर अघि बढ्ने बताएका छन्। पार्टीको संगठन विस्तार, कार्यकर्ताको सक्रियता र संगठनलाई थप बलियो बनाउने विषयलाई प्राथमिकतामा राखेर काम गर्ने उनको भनाइ छ।
‎गुप्ताको उम्मेदवारी घोषणासँगै नेपाली कांग्रेस कोशी प्रदेशको आगामी अधिवेशनमा महामन्त्री पदको प्रतिस्पर्धालाई चासोका साथ हेरिएको छ।