विराटनगर ।
थारु कल्याणकारिणी सभाको नेतृत्वमा कोशी प्रदेशमा थारु भाषालाई सरकारी कामकाजको भाषा बनाउन जोडदार माग गरिएको छ ।
कोशी प्रदेश सरकारले नेपालीसहित लिम्बु र मैथिली भाषालाई सरकारी कामकाजको भाषा बनाउन प्रदेश सभामा विधेयक पेश गरिसकेको छ । यसबीच, थारु कल्याणकारिणी सभाका केन्द्रीय सदस्य गगन सिंह चौधरीले देशका प्रमुख राजनीतिक दल — नेपाली कांग्रेस, नेकपा एमाले र नेकपा माओवादी केन्द्रसँग आबद्ध थारु नेताहरूले पनि यस मागमा समर्थन जनाएको जानकारी दिएका छन् ।
थारु कल्याणकारिणी सभा मोरङका अध्यक्ष प्रदिप भगत थारुले थारु भाषालाई कोशी प्रदेशमा सरकारी कामकाजको भाषा बनाउने निर्णय नभएसम्म अधिकारका लागि शान्ति पूर्ण आन्दोलनका कार्यक्रमहरू सञ्चालन गर्ने विषयमा छलफल जारी रहेको बताएका छन्र
नेकपा एमाले कोशी प्रदेशका सांसद जयप्रकाश चौधरी बिहीबार थारु संघ–संस्थाले आयोजना गरेको पत्रकार सम्मेलनमा सहभागी भएका थिए ।