गौर हत्याकाण्ड छानबिनका लागि सर्वोच्चले दिएको परमादेश पूर्वाग्राही रहेको भन्दै जनता समाजवादी पार्टी नेपालका नेता कार्यकर्ताले विराटनगरमा विरोध प्रदर्शन गरेका छन्।
सोमबार साँझ विराटनगरस्थित रोडशेष चोकमा भेला भएर जसपा नेपालका नेता कार्यकर्ताले विरोध प्रदर्शन गरेका हुन्। भूमि सम्बन्धि विधेयकमा जनता समाजवादी पार्टीले लिएको अडानका कारण जसपा नेपालका अध्यक्ष उपेन्द्र यादवलाई तर्साउन शासक वर्गले गौर हत्याकाण्डलाई उचाल्न लागेको भन्दै जनता समाजवादी पार्टी नेपालका नेता कार्यकर्ताहरुले मधेश प्रदेश लगायतका विभिन्न जिल्लामा प्रदर्शन गरेको हो ।
जसपा नेपालका मोरङका अध्यक्ष राजकुमार यादवको नेतृत्वमा विरोध प्रदर्शन गरिएको हो। राजनीतिक पूर्वाग्रह राखेर गौर घटनाको छानबिन गर्न लागिएकोले विरोध प्रदर्शन गरिएको यादवले बताए।
साे विराेध सभामा जसपा नेपालका वभिन्न तहतपकाका नेता तथाकार्यकरताहरूकने उपस्थित रहेका थिए।